Help Basic

கடலூர் மாவட்டம், காட்டுமன்னார்கோயில் வட்டம், பாளையங்கோட்டை எனும் ஊரில் வசித்து வருபவர்தான் இந்த மாற்றுத்திறனாளி (சுந்தரமூர்த்தி, 45)

இவர் ஶ்ரீ ராம் இஞ்சினியரிங் ஒர்க்ஸ் என்ற வெல்டிங்,லேத் சார்ந்த சுய தொழில் செய்து நிம்மதியாக வசித்து வந்தவர்தான். இவருக்கு காலில் சிறு வயதில் குற்றிய ஆணி அப்படியே செப்டிக் ஆகி அதற்கு லட்சகணக்கில் மருத்துவ செலவு செய்து வந்துள்ளார்.

ஆனால் கடந்த 2013 ஆம் ஆண்டு அவருக்கு பூஞ்சை காளான் என்ற வைரஸ் வேகமாக கால் முழுவதும் பரவி ஒரு காளை முழுவதுமாக ஆபரேஷன் செய்து துண்டித்துவிட்டனர்.

மூன்று மாதம் மருத்துவமனையில் இருந்து வீடு திரும்பிய அவர் இன்றுவரை மிகச்சிரமப்பட்டு வாழ்வை நடத்தி வருகிறார். இவருக்கு மூன்று குழந்தைகள் அரசு பள்ளியில் படிக்கிறார்கள். அன்றாட குடும்ப தேவைகளையே பூர்த்தி செய்யமுடியாது தவிக்கிறார். முன்பு வாடகை இடத்தில் இருந்த ஒர்க்‌ஷாப்பையும் காலி செய்ய சொல்லிவிட்டனர்.

கையில் இருந்தது மனைவி நகை என அனைத்தையும் விற்று ஒரு இடம் வாங்கியுள்ளார் அந்த இடத்தில் ஒர்க்‌ஷாப்பை நிறுவ முயற்ச்சிசெய்து வேலை பாதியிலேயே நிற்கிறது.

மீதம் உள்ள வேலையை முடித்து தொழிலை தொடங்க ₹50,000 தேவைப்படுகிறது பேங்க்ல லோன் கேட்டா ஒர்க்‌ஷாப் ஆரம்பியுங்கள் ஒரு வருடம் கழித்து லோன் தருகிறோம் எனக் கூறுகின்றனர்.

இப்போது அவருக்கு சொந்தங்கள் கூட உதவ தயாராக இல்லை. என்ன செய்வதென்று தெரியாமல் தவிக்கிறார் இதில் அன்றாட குடும்ப செலவுக்கே அவர் மனைவி கூலி விவசாய வேலைக்கு சென்றுதான் குடும்ப செலவை சமாளிக்கின்றார்கள்.

இவருக்கு நல்ல உள்ளம் கொண்டவர்கள் உதவி செய்தால் அவர் தொழில் தொடங்கி அந்த பணத்தை திருப்பி கொடுத்துவிடுவார்.

உதவி புரியுங்கள் தோழர்களே… கடலூர் இளையதலைமுறை நிர்வாகி மூலம் நேரில் பார்த்து உறுதி செய்யப்பட்டது.

நண்பர்களிடம் நாம் வைத்த மேற்கண்ட கோரிக்கைக்கு நல்ல பலன் கிடைத்தது.

ஏழை மாற்று திறனாளிக்கு உதவி செய்த அனைத்து நல்ல உள்ளங்களுக்கும் மனமார்நத நன்றிகள். இன்று கடலூர் நிர்வாகி ராஜா மணிவண்ணன் அவர்கள் நேரில் சந்தித்து உதவியை வழங்கினார்.